Nonbaitetik

Ikusi nahi banauzu

begiak itxi,

sentitu nahi banauzu

arropak kendu.

Ukitu nahi banauzu

eskuak airean zabaldu,

maitatu nahi banauzu

ohean etzan eta lo egizu.

Zure ametsetan soilik

edukiko bainauzu,

zure oroimenean gorderik

biziko bainatzaizu.

Eta une horiexetan adi egon,

nonbaitetik nire promesa

argiro iritsiko zaizulako:

aitzinean bezala, zurekin

egongo naizela betiko.