Baso barreneko bidean galdurik nengoen, bat-batean iratxo
bat ikusten ari nintzela iruditu zitzaidanean. Hurbildu nintzaion, irteera
nondik zegoen itaundu nion eta zera erantzun zidan: "ametsen lurraldean
sartu berri zara eta hemen ez dago irteerarik lo zauden bitartean, beraz segi
amets egiten". Eta hori esanda, buelta eman eta bidean behera abiatu
zen, bere txirula alaiki jotzen. Katagorriek arboletatik saltoka jarraitu zuten
beheko errekaraino eta nik gauza bera egin nuen, erreka-lamiaren bat edo
topatuko nuelakoan. Baina alferrik izan zen, bailaran ura botilaratzeko planta
erraldoi bat zegoen eta.
Hura itzartzeko modu itsusia!
No hay comentarios:
Publicar un comentario