Otsaila

                                   

Negu gorria,

euria eta haizea, 

elurra eta hotza

gure paseoan.

Esku izoztuak

hats lurruna,

sudur gorriak,

begiak malkotan.

Elkarri irainka

aritu izan gara 

eta hitz zorrotzak

atera dira.

Zure betiko agurra

esan didazunean

irauli egin zaizkit

tripa barruak.

Orain ezin dezaket

besterik esan,

aho bete hortz

utzi nauzu eta.

Amodioa hau bada,

zertarako maita,

hain gutxi irauten badu

zoriontasunak?

Negu gorria,

euria eta haizea,

elurra eta hotza

gure paseoan.

Urrats geldoak,

aldarte ilunak,

begirada galduak

eta isiltasuna.