Nire eguneroko errutinaren erdian,
maiz, gure bizitzatik joandako egun luze haiek gogoratzen ditut, munduan
bakarrak baikinan ohearen gainean algaraz eta barrez olgatzen ginenekoak.
Gorputz biluziak izaren artean bueltaka, bere arnas epelarekin kilika egiten belarrira hitz egiten zidan, handik gutxira gertatuko zenaren aurrerapena
ematen bezala, eta nire besoek bere gerriaren inguru osoa estu-estu hartzen
zuten, irrikaz. Arratsaldeko argi urriak, leihosareko zirrikituen artetik
sartzean, marradun itxura irreala ematen zion Yanayren larruazal ilunari, kutsu
magiko eta sentsuala, bere begien dirdira misteriotsua eta titiburuen orla
beltzaren erliebea areagotzen zituena, oraindik gehiago liluratzen ninduelarik.
Eta orduan, nire desioari eusten zion soka lodia halabeharrez apurtu eta askatu
egiten zen, eta haragikeriazko sentimenak ezin kontrolaturik, eroki maitatzen
nuen. Aldaka biak nire eskuen artean harturik, ipurtaldearen borobiltasun
perfektua begien aurrean nuela, bere barruraino ausardiaz sartzen nintzen,
haren garrasi mehe eta zorrotzen musikaren erritmoan arnasketa gero eta arinago
zihoakigula, plazerraren gailurrera iristen ginen arte, eromenik handienean gure
isuriak bortizki husten genituen arte. Gero, izerditan blai, sabaira begira
isilean geratzen ginen, guretzat dena esanda baitzegoen, gure gorputzek ederto
adierazita baitzuten sentimenduek egin behar zuten berba.
("Yanay" nire ipuinaren zatia)
No hay comentarios:
Publicar un comentario