Hotza

Hotzak nago.
Negua etorri da,
zu nirekin zara,
eta, hala ere,
hotzak nago.

Niganako zure hoztasunak 

hoztu egin nauelako,

nirekiko zure hitz izoztuek

negu krudela ekarri didatelako,

zure izotzezko begiradek

hotzak dardaraz jarri nautelako.

Hotzak nago.
Negua heldu da,
zu hementxe zara
eta, hala ere,
hotzak nago.

Zure eskuak bezain hotza zarelako,
zure sudurra bezain hotz zaudelako,

zure hotzaldia amaigabea delako, 

zure bihotza elurra bera baino 

hotzagoa sentitzen dudalako, 

hotzak nago.

Hotzak nago.
Negua etorri bezala
berriro da joango.
Eta, hala ere,
zu, nirekiko,
geroz eta hotzago.